Fole excúdase en temas legais para non contestar ao que está acontecendo cos terrenos de Megasa. O tema é se o Sr. Fole está a favor do pequeño comercio ou non. O que o BNG e o pequeno comercio queremos saber cales son as intencións do Alcalde de Vilagarcía de Arousa respeto a unha suposta implantación dunha gran area comercial nos terreos de Megasa, e iso é o que non está contestando o Sr. Alcalde.

O BNG vai a traballar en contra de que se introduza calquera tipo de gran área comercial en Vilagarcía de Arousa. Imos pelexar contra o modelo de cidade fantasma que pretende implantar o Sr. Fole e imos pelexar conxuntamente co pequeño comercio contra a barbarie que se quere implantar. O modelo de cidade que o BNG quere para Vilagarcía é o dunha cidade completamente diferente, unha cidade que apoie os nosos sectores productivos e que favoreza que a xente se aproxime e decida acudir e facer vida en Vilagarcía.

O BNG vai facer todo o posíbel por impedir a implantación de calquera gran área comercial no noso concello. O señor alcalde non se pode amparar en termos legais que todos coñecemos porque o tema non é ese, e máis, facendo referenza ás declaración do sr. Fole respecto as dúas licencias que farían falla para executar a obra, unha delas tería que serlle concedida polo concello, que pensa facer nese caso? Autorizárllela?

Dende o BNG tomaremos as medidas oportunas para impedir que, como dicía anteriormente, se instalen ditas superficies e se cometa semellante atropelo ao comercio tradicional e de proximidade no noso concello.

Esiximos ao alcalde de Vilagarcía de Arousa que se pronuncie ao respecto, que deixe claras as súas intencións e que pensa facer ao respecto, e que non faga como cando na lexislatura anterior se levou a pleno unha moción rexeitando a construción dunha grande área comercial en Vilanova de Arousa e el se abstivo dando claras mostras da súa aposta polas grandes areas comerciais, en contra do pequeno comercio.

O BNG é consciente da enorme importancia que posúe o pequeno comercio, e de que a facturación deste reinviste, na súa maior parte, na economía local, ao tempo que desenvolve un importante papel social de cohesión, dinamización e vertebración nas vilas e cidades galegas, facéndoas máis habitábeis, atractivas e seguras. Por tanto, no BNG defendemos un modelo en que prime o pequeno comercio fronte ás grandes superficies comerciais.

O BNG aposta por unha política que afortale, impulse e modernice o comercio tradicional ou de proximidade de Vilagarcía de Arousa, polo seu peso económico e a función social que implica.

Polo tanto, consideramos que é hora de que o alcalde diga claramente cales son as súas intencións, e q se pronuncie e se posicione dunha vez por todas ao respecto deste tema.