Ante as declaracións de intencións feitas públicas hoxe polo Partido Popular coa posta en marcha de prácticas que atentan contra a normativa e a lexislación e, polo tanto, contra a democracia/práctica democrática do noso concello, dende o BNG manifestamos que seguiremos traballando por Vilagarcía de Arousa.

Tras a confirmación por parte do goberno local da súa intención de xensurar o contido das sesións plenarias, dende o Bloque Nacionalista Galego deixámoslle claro ao Sr. Fole que non vai conseguir calarnos nin facer efectiva a mordaza e a censura que pretende implantar contra o BNG.

Estamos ante un alcalde que non dubida en saltarse a normativa e a lexislación vixentes para tratar de impoñer a censura e a dictadura no concello de Vilagarcía de Arousa.

A argumentación utilizada por Tomás Fole para tratar de xustificar a súa actitude e o seu caracter dictatorial carece totalmente de sentido, xa que todos os escritos e todas as mocións presentadas polo BNG cumpren á perfección coa lexislación existentes.

En segundo lugar. Todas as mocións presentadas polo BNG son mocións que afectan a toda a cidadanía vilagarciá. Entendemos que quedarse queto mentres a veciñas e veciños lles cortan a luz, é de xente inhumana, ou que quedarse queto mentres ás traballadoras e aos traballadores lles cobran mais á vez que ven recortados os seus dereitos é de caraduras. Contra estas situacións propoñìan medidas resolutivas as mocións do BNG. É que non lle parecen de importancia á equipa de goberno?

A realidade que se traduce polo tanto da medida imposta agora por Fole, é a de que estamos ante un alcalde dictador, que pretende escaparlle ao debate plenario que evidencie a súa rancia liña polìtica, ou quizais sexa que temos un alcalde preguiceiro ao que lle da moito traballo preparar o argumentario para o debate político.

Ten que ter claro Fole que non se goberna dende o diván, senón que gobérnase pateando, falando e escoitando a asociaciòns, colectivos, e a todas aquelas persoas que teñan algo que aportar ou opinar sobre o noso concello.

Que diga polo tanto o que queira e que busque a escusa que queira para amordazar ao Bloque Nacionalista Galego. Máis aquí so hai unha realidade, que é a de que definitivamente a dictadura está instaurada en Vilagarcía de Arousa da man de Tomás Fole, e dende o BNG, coma sempre fixemos e faremos, seguiremos presentando todas as iniciativas que consideremos de importancia para o día a día da nosa cidade.