A deputada no Parlamento Galego, Montse Prado ven de presentar unha batería de preguntas relativas á situación na que se atopan os centros de ensino IES Ramón Cabanillas e o CEP Antonio Magariños do concello de Cambados.

Diante das noticias que nestes días están saído nos medios de comunicación sobre os retrasos nas obras que se están a realizar nestes dous centros educativos, obras que provocan unha grande incomodidade ás comunidades educativas dos devanditos centros públicos e unha modificación no funcionamentos normal das actividades lectivas, a nacionalista pregunta pola previsión de remate destes centros.

Montse Prado denuncia que as obras que se están a acometer nos dous centros foron anunciadas repetidas veces por diversos responsábeis do Partido Popular, alcalde, delegado territorial, xefe territorial de educación, presidente da deputación, etc..., coa presenza propagandística e mediática coa que adoitan adornar os anuncios de obras, inauguracións ou outro tipo de actuacións ou futuras actuacións que se consideran positivas, chegándose incluso a anunciar, promesas que sempre foron seguidas de retrasos e máis retrasos até chegar á situación actual na que no mellor dos casos, se estas obras se chegan a rematar, o alumnado de ambos centros terá que convivir con elas cando houbo tempo para acometelas ou cando menos para inicialas nos meses do verán coas aulas baleiras.

O pasado martes na páxina web institucional da Consellería de Educación publícase unha nota na que se chega a acusar a profesorado dun deses centros escolares, o CEP Antonio Magariños de ser responsábel de que o alumnado non tivera actividades de educación física cando é sabido pola administración e por toda a comunidade educativa do Centro, o perigo que supoñía e sigue supoñendo para o alumnado e para o profesorado realizar educación física nas condicións nas que están as instalacións.

Para a nacionalista o Partido Popular está cruzando liñas vermellas, ao usar a páxina web institucional da Consellaría como si se tratara do “seu medio de información privado” para omitir opinión e non información, e para atreverse a responsabilizar ao profesorado do que é a Consellaría a única responsábel. Opinión porque a afirmación que alí se fai de que “o patio cuberto reunía as condicións de seguridade” non está avalada por ningún informe nin comunicación aos responsábeis do Centro de que isto era así.

Montse Prado pregunta á Consellaría de Educación si dispón dalgún informe técnico que avale a afirmación feita na web oficial da mesma a respecto do CEP Magariños de que “o patio cuberto reunía as condicións de seguridade ”? e de ser así, en que data se realizou o mesmo, e si lle vai pedir desculpas ao profesorado do CEP Antonio Magariños pola acusación contida na nota do 23 de setembro que supón un acto de desprestixio e de posta en cuestión da súa profesionalidade.